Út er komin ljósmyndabók með einstökum ljósmyndum hjónanna Pálma Bjarnasonar og Sigrúnar Kristjánsdóttur. Bókin sem er á ensku hefur hlotið titilinn Iceland in your pocket og hefur að geyma ljósmyndir frá mörgum fallegum og minnistæðum stöðum á Íslandi. Eins og titillinn gefur til kynna þá er bókin lítil og fer afar vel í vasa og er því kærkomin fyrir þá ferðamenn sem vilja ekki bera með sér stórar og þungar bækur. Bókin hentar einnig vel til gjafa til vina eða viðskiptamanna erlendis því hún er lítil og létt. Höfundar bókarinnar, þau Pálmi og Sigrún, hafa getið sér gott orð sem landslags ljósmyndarar og eiga m.a. myndir í bókunum Okkar sýn á Ísland og Incredible Iceland. Þau hafa einnig sýnt ljósmyndir á mörgum sýningum við góðan orðstír.

Stærð: 9,5 cm á hæð, 17,5 cm á breidd.
128 blaðsíður.
ISBN 978-9935-421-20-3
Verð kr. 2.065

Panta